გიყვარდეს კონკურენტი შენი » ბიზნესი და კანონმდებლობა
 
   
 
 
პოლიტიკა ბანკები და ფინანსები ბიზნესი ტურიზმი უძრავი ქონება სოფლის მეურნეობა კანონმდებლობა საზოგადოება შოუ ბიზნესი ფოტოგალერეა
 
კალენდარი
«    დეკემბერი 2017    »
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
ნიუსების არქივი
» ბულგარეთის საელჩოში ...
 
გამოკითხვა
 
მოგვწერეთ
მთვლელები
 
 

პუბლიკაციები : გიყვარდეს კონკურენტი შენი
ნანახია: 1579

ზოგისთვის, ალბათ, მოძველებულად ჟღერს მოწოდება: დაიახლოვე მოკეთეები, მტრები კი – უფრო მეტად. თუმცა, გლობალიზაციის პროცესი ისეთი ტემპებით ანგრევს ბარიერებს და ისე მჭიდროდ აახლოებს სხვადასხვა ეკონომიკურ სუბიექტებს, რომ ეს შეგონება, შეიძლება, ობიექტურ რეალობადაც კი იქცეს...

ყველასათვის ნათელია, თუ როგორ გართულდა კონკურენცია პროტექციონისტური პოლიტიკის გლობალური შესუსტების შედეგად. არსებულ სიტუაციაში ძნელია ისეთი სიახლის მოფიქრება, რაც მნიშვნელოვან უპირატესობას უზრუნველყოფს, რადგან დიდია ალბათობა იმისა, რომ ანალოგიური ინოვაცია უკვე სხვებმაც მოიგონეს. ამიტომ, აუცილებელია, ყველა შესაძლო კონკურენტის არა მხოლოდ ახლოს &№96;გაცნობა~, არამედ მათთან მუდმივი &№96;ურთიერთობების~ დამყარებაც იმ მიზნით, რომ ყოველ წუთში იცოდე, რა მდგომარეობაა მთელს დარგში. ამისათვის უნდა მოახდინოთ შემდეგი მონაცემების ანალიზი:
1. კონკურენტების უპირატესობები, სისუსტეები და საფრთხეები. იმისათვის, რომ კარგად იცოდეთ, ვისთან გაქვთ საქმე, პირველ რიგში, უნდა გაერკვეთ არა საქონლის მახასიათებლებში, არამედ იმაში, თუ ვინ აწარმოებს ამ საქონელს. შეისწავლეთ კონკურენტების დამფუძნებლები, მფარველები, კომპანიის პერსონალი- მათი ფილოსოფია, საქმიანი სტილი, ბიზნეს-მოღვაწეობის თავისებურებანი და ა.შ. კონკურენტების “პიროვნული” გაცნობის შემდეგ დააკვირდით მათ პროდუქციას და შეთავაზებებს, შეისწავლეთ მყიდველების დამოკიდებულება და მოლოდინები ამ ბრენდების მიმართ. ამის შემდეგ აიღეთ თქვენი პროდუქცია და შეადარეთ ყოველგვარი წინასწარი კეთილგანწყობების გარეშე. საკუთარ სიმპათია-ანტიპათიებზე უფრო მეტად მყიდველების პრეფერენციები და მოლოდინები უნდა გაითვალისწინოთ. ასეთი ანალიზის შედეგად თქვენ გექნებათ შესაძლებლობა, მოიფიქროთ ის ახალი თვისებები, რაც არც კონკურენტს და არც თქვენს პროდუქციას არ გააჩნია. საკუთარი შესაძლებლობების ცოდნა კონკურენტების პოტენციალთან შედარებით საშუალებას იძლევა, რომ საღად და ზუსტად შეაფასოთ სიტუაცია ბაზარზე და ეფექტური სტრატეგია შეიმუშაოთ. საკუთარი ძლიერი და სუსტი მხარეების დადგენის შემდეგ ეცადეთ, რომ საზოგადოების ყურადღება მთლიანად ძლიერ მხარეებზე გადაიტანოთ. თუ თქვენი კონკურენტები აღმოაჩენენ თქვენს სუსტ მხარეებს, მაშინ ისინი აუცილებლად შეეცდებიან მათ აფიშირებას. აქედან გამომდინარე, თქვენი კლიენტურა ისე უნდა იყოს აგიტირებული, რომ კონკურენტების ეს ინფორმაცია ცილისწამებად უნდა ჩათვალონ! თუ ეს სუსტი მხარეები მაინც დამტკიცდა, მაშინ უნდა დაარწმუნოთ მომხმარებლები, რომ ეს ნაკლოვანებები აუცილებელი მსხვერპლია იმ დადებითი თვისებების გაძლიერებისთვის, რომლებიც სრულიად ახდენენ სისუსტეების კომპენსირებას. შესაბამისად, ერთმნიშვნელოვანი ხარვეზებისა თუ სისუსტეების არსებობა აპრიორი არ უნდა იყოს დაშვებული. ამავე დროს, ეცადეთ, აღმოაჩინოთ კონკურენტების ისეთი ნაკლოვანებები, რომლებსაც გამართლება არა აქვთ - ეს ფაქტები ფარული იარაღი იქნება თქვენს ხელში იმ შემთხვევისთვის, თუ PR კომპანია მეტისმეტად გამწვავდა.

2. დისტრიბუციის ალტერნატიული მეთოდები. თანამედროვე სუპერმარკეტების დახლებზე გვერდიგვერდ აწყვია ერთი და იგივე ფასის და ხარისხის პროდუქცია. ხშირ შემთხვევაში ეს პროდუქცია თანაბრად ცნობილ ბრენდებს ეკუთვნით, რომლებიც მსგავსი ეფექტურობის სარეკლამო კამპანიას აწარმოებენ. ასეთი მსგავსება ბევრ მომხარებელს აბნევს და ისინი იწყებენ ალტერნატივის ძებნას. ასეთი ალტერნატივე შეიძლება იყოს სრულიად ახალი და უცნობი მარკის პროდუქცია, რომელსაც კლიენტი უბრალო ცნობისმოყვარეობის გამო ყიდულობს, რომ შეადაროს უკვე მოყირჭებულ სხვა ბრენდებს. ასეთი ალტერნატივა შეიძლება იყოს უკვე აღიარებულიპროდუქციის რაიმე ახალი თვისება - ასეთი ახალი თვისების
გასინჯვაში კლიენტი ზედმეტი ფასის გადახდასაც არ მოერიდება. ალტერნატივა შეიძლება იყოს, უბრალოდ, შეფუთვა ახალ ფერებში და ა.შ. ამიტომ, ასეთ სიტუაციაში აუცილებელია დისტრიბუციის ეფექტური სამსახური, რომელსაც კარგად ეცოდინება მომხმარებლის ფსიქოლოგია. ამასთან, რომელიც ზუსტად გამოიცნობს, თუ რა ალტერნატივა უნდა შესთავაზონ კლიენტებს, რომ მათ თქვენს პროდუქციას მიანიჭონ უპირატესობა.

3.ახალი კონკურენტები. თანამედროვე ეკონომიკაში არანაკლებ საფრთხეს წარმოადგენენ ახალი კონკურენტები. ზოგი ახალი საწარმო ისეთ ნოუ-ჰაუს ფლობს, რომელიც ფუნდამენტურად აღემატება არსებულ უპირატესობებს. ყველაზე მარტივი მაგალითია, თუ როგორ გააუქმა მობილურმა ტელეფონებმა პეიჯერები. ასეთი რადი კალური ცვლილებები იშვიათად ხდება, მაგრამ ნოუ-ჰაუები მაინც ანგარიშგასაწევი ძალაა, თუნდაც რომ მცირე მასშტაბით დაინერგონ საწყის ეტაპზე. ასეთ შემთხვევაში მტერთან დამეგობრება სჯობს - შესთავაზეთ მათ თქვენი დისტრიბუციის ქსელები, ახალი სიმძლავრეების ერთობლივი შექმნა და ა.შ. ხშირ შემთხვეაში, გასაღების ორგანიზება უფრო ძვირი ჯდება, ვიდრე თვით წარმოება - ამიტომ, შეიძლება ახალი მოთამაშე მოერიდოს ზედმეტ ხარჯებს. თუ ახალ კონკურენტთან მორიგება ვერ მოხერხდა, მაშინ თქვენს ხელში რჩება საფასო უპირატესობები, რადგან, ინოვაციების დანერგვა საკმაოდ ძვირი ჯდება, რაც აისახება ახალი პროდუქციის ფასზე. საერთოდ, თვისობრივად ახალ მოთამაშესთან ურთიერთობა საკმაოდ რთული საკითხია - უნდა შემუშავდეს სრულიად ახალი სტრატეგია, რომელშიც გათვალისწინებული იქნება შეტევისა და უკან დახევის ყველა შესაძლო ვარიანტი. ამისათვის ძალიან კარგად უნდა იცნობდეთ საკუთარ ბიზნესს, კონკურენტის ბიზნესს კი - უფრო უკეთესად.

მოამზადა კობა ბიწაძემ


 
  ბეჭდვა
 
 
 

ვალუტის კურსი

რეკლამა
 
 
Copyright © ბიზნესი და კანონმდებლობა